47 वर्षीय सुश्मिता सेन 57 वर्षांच्या ललित मोदी यांच्या प्रेमात पडली आहे. नुकतेच मोदींनी सोशल मीडियावर माजी मिस युनिव्हर्ससोबत काही रोमँटिक छायाचित्रे शेअर करत, ते दोघे एकत्र असल्याची पुष्टी केली आहे.
Lalit Modi and Sushmita Sen (Photo Credit : Instagram)
बॉलिवूड अभिनेत्री सुष्मिता सेन (Sushmita Sen) पुन्हा एकदा तिच्या लव्ह लाईफमुळे चर्चेत आली आहे. गेली अनेक वर्षे सुष्मिता सेन आणि रोहमन (Rohman Shwal) एकमेकांसोबत नात्यामध्ये होते. रोहमन हा सुश्मिता आणि तिच्या कुटुंबासोबतच राहत होता, मात्र मागच्या वर्षी दोघांनी वेगळे होण्याचा निर्णय घेतला. आता माहिती मिळत आहे की, सुष्मिता सेन आयपीएलचे माजी अध्यक्ष ललित मोदी (Lalit Modi) यांना डेट करत आहे. होय, ऐकायला थोडे विचित्र वाटत असेल मात्र हे खरे आहे. 47 वर्षीय सुश्मिता सेन 57 वर्षांच्या ललित मोदी यांच्या प्रेमात पडली आहे. नुकतेच मोदींनी सोशल मीडियावर माजी मिस युनिव्हर्ससोबत काही रोमँटिक छायाचित्रे शेअर करत, ते दोघे एकत्र असल्याची पुष्टी केली आहे. रोहमनसोबत ब्रेकअप झाल्यानंतर अवघ्या काही महिन्यांतच सुश्मिताच्या आयुष्यात नवे प्रेम आले आहे.
https://twitter.com/LalitKModi/status/1547587779852259329
ललित यांनी त्यांच्या ट्विटर अकाउंटवर दोन ट्विट केले आहेत. पहिल्या ट्विटमध्ये ललित मोदींनी सुष्मिताला 'बेटर हाफ' असे संबोधून एक सुंदर कॅप्शन लिहिले आहे. यानंतर लोकांनी दोघांचे लग्न झाल्याचा अंदाज लावला. पहिल्या ट्विटमध्ये ललित यांनी लिहिले, 'कुटुंबासह मालदीव, सार्डिनिया टूर संपवून लंडनला परतलो. माझ्या बेटर हाफसोबत एक नवी सुरुवात... एक नवीन आयुष्य. आज मी चंद्रावर आहे.' ललित यांचे हे ट्विट सोशल मीडियावर आगीसारखे व्हायरल झाले आणि लोकांनी दोघांचे लग्न झाल्याचा समज करून घेतला. मात्र, या ट्विटनंतर ललित मोदींनी आणखी एका ट्विटमध्ये स्पष्ट केले की, या दोघांनी लग्न केलेले नाही, तर दोघे एकमेकांना डेट करत आहेत.
https://twitter.com/LalitKModi/status/1547595996363780096
अलीकडेच सुष्मिता सेनने लग्नावर भाष्य केले होते, ज्याची बरीच चर्चा झाली होती. सुष्मिता अनेक रिलेशनशिपमध्ये होती, पण ती अद्याप लग्नाच्या बंधनात अडकली नव्हती. लग्न न करण्यावर तिने म्हटले होते की, 'मी 3 वेळा लग्न करण्याच्या खूप जवळ होते पण देवाने मला वाचवले.' दुसरीकडे ललित मोदी यांचे जवळ जवळ 10 वर्षे मोठ्या असलेल्या मीनल सोबत 1991 मध्ये लग्न झाले होते. 2018 मध्ये या दोघांचा घटस्फोट झाला.